Kristian Finn Risung sluttar som sokneprest hos oss, og vi er på jakt etter ny prest! 

Velkommen til ein flott kommune og ein fin stab. Kyrkja er ei perle. Gravplassen er velholdt. Folka er fine. Det er mykje godt frivillig-arbeid. Organisten er fabelaktig. Kyrkjetenar og kyrkjegardsarbeidar gjer ein heilt nydeleg jobb med å legge forholda til rette og halde det fint rundt oss. Og soknerådet er særs oppegåande!

Tenkjer du på å søkje, er du veldig velkommen til å ta ein telefon for å snakke med oss. Og kjenner du ein prest det kan vere aktuelt å tipse - gjer gjerne det!

Søknadsteksten ligg her. Søknadsfrist er 19.juni.

 

Årsmelding og rekneskap for Aukra sokn kan du lese ved å trykke på bildet under.

Vi skal ha kyrkjelydens årsmøte søndag 31.mai etter gudstenesta. Der vi vedtar årsmeldnga.

                                             

---

 

 

Konfirmant 2027?

Er du niandeklassing til hausten? Da tenkjer du kanskje på konfirmasjon. Kanskje veit du at du vil og skal konfirmerast i kyrkja, eller kanskje vurderer du litt fram og tilbake. Du er i alle fall hjarteleg velkommen til konfirmasjonstid i Aukra kyrkje!

Konfirmasjonstida er tida for å kanskje tenke nokre andre tankar om livet enn ein gjer elles. Tida for dei store spørsmåla, og for dei små. Tid for leik og alvor. Du får sjans til å bli betre kjent med seg sjølv, med Gud og med kyrkja. 

Konfirmasjon betyr bekrefte/stadfeste. Og det som blir bekrefta er løfta i dåpen

• At du er omslutta av Guds kjærleik
• At du høyrer til i kyrkja

For å blir konfirmert, må du vere døypt. Om du ikkje er døypt, kan du vere med i konfirmanttida og sjå om du vil bli døypt i løpet av året.

Sidan Kristian Finn slutter som sokneprest i august er oppstarten av konfirmantåret ikkje heilt landa enda, så datoar og slikt kjem vi tilbake til. Men du kan allereie no melde deg på. 

Bur du i Julsundet kan du velje å vere konfirmant i Aukra kyrkje eller i Vågøy kyrkje. For konfirmasjon i Vågøy sjå kirkaihustadvika.no

Vi vil at konfirmanttida skal vere for alle, uansett! Er du redd du ikkje passar inn? - Det gjer du! Men nokon treng ekstra tilrettelegging, og da er det fint om de gjer beskjed om kva vi kan gjere for at konfirmanttida skal bli så fin som mogleg. 

Påmelding

Påmeldingskjema finn du her Det er viktig at e-postadresser og telefonnummer blir riktige, slik at vi får tatt kontakt med dykk! 

Konfirmasjonsdagane i Aukra kyrkje våren 2027 er laurdagane 24.april og 1.mai.

Har du spørsmål, er det berre å ta kontakt med kyrkjekontoret